91 տարեկանում մահացել է կոլումբացի նկարիչ և քանդակագործ Ֆերնանդո Բոտերոն։ Տեղեկությունը հայտնում է РБК–ն։
Բոտերոն մահացել է Մոնակոյի իր տանը, նա ունեցել է առողջական խնդիրներ։ Քանդակագործն անցյալ շաբաթ հոսպիտալացվել էր, բժիշկները թոքաբորբ էին ախտորոշել։ Մի քանի օր հիվանդանոցում անցկացնելուց հետո Բոտերոն որոշել էր բուժումը շարունակել տանը։
Ֆերնանդո Բոտերոն ծնվել է 1932թ.–ի ապրիլի 19–ին Կոլումբիայի Մեդելյին քաղաքում։ Նա մարդկանց ամենօրյա կյանքը, պատմական իրադարձությունները, կերպարներն ու անգամ անշունչ առարկաները պատկերում էր չափազանցված, փարթամ և անհամաչափ տեսքով։
Երևանի Գաֆէսճեան արվեստի կենտրոնին կից քանդակների պարտեզում տեղադրված են Ֆերնանդո Բոտերոյի քանդակներից 3-ը՝ «Կատուն», «Հռոմեացի զինվորը» և «Ծխող կինը»։
