Բեռլինը Հայաստանին ու Ադրբեջանին լարվածությունը թուլացնելու կոչ արեց

Գերմանիայի արտաքին գործերի նախարար Հայկո Մաասը հայտարարել է, որ Հայաստանն ու Ադրբեջանը պետք է լուծեն Լեռնային Ղարաբաղի շուրջ ստեղծված ճգնաժամը խաղաղ դիվանագիտական ​​միջոցներով: Այդ մասին հաղորդում է ՏԱՍՍ-ը՝ վկայակոչելով գերատեսչության մամուլի ծառայությունը:

«Ես հակամարտության երկու կողմերին կոչ եմ անում անհապաղ դադարեցնել բոլոր ռազմական գործողությունները: Հատկապես գյուղերի ու քաղաքների գնդակոծությունները», ասել է Մաասը: