Մեր բարձրաստիճան հոգևորականներն ու պայքարի մյուս մասնակիցներն ուղղակի բռնադատված են հայրենատեր լինելու համար։ Մենք որևէ վայրկյան չենք համակերպվում, ո՛չ պարտության, ո՛չ Արցախի կորստի հետ, ո՛չ էլ այն իրողության հետ, որ մեր հայրենիքի սրբազան հատվածներ ուզում են հանգիստ հանձնել։ «Սրբազան պայքար» շարժման առաջնորդ Բագրատ սրբազանի և շարժման մյուս մասնակիցների գործով դատական նիստից առաջ այս մասին լրագրողներին ասաց Արամ քահանա Միրզոյանը։
Հարցին՝ ինչո՞ւ Բագրատ Սրբազանի գործով նիստին բարձրաստիճան հոգևորականներ չեն մասնակցում ՝ իրենց ֆիզիկական ներկայությամբ աջակցելու նրան, և արդյոք մտավախություններ ունեն, որ դիրքորոշում արտահայտելու պարագայում իրենք էլ կկալանավորվեն, Արամ քահանա Միրզոյանը պատասխանեց.
«Այսօր եկեղեցին միակամ և միախորհուրդ է։ «Հոգևորական», «եկեղեցի», «վախ» բառերը չեն կարող նույն նախադասության մեջ օգտագործվել, վախենալու հարց չկա»,- ասաց հոգևորականը։
