«Միասնության թևեր» քաղաքական նախաձեռնության ղեկավար Արման Թաթոյանը և «Շանթ Դաշինք» ազգայնական կուսակցության նախագահ Շահեն Հարությունյանը ստորագրել են քաղաքական համագործակցության հուշագիր։ Այս մասին հաղորդագրություն է տարածել «Միասնության թևեր» քաղաքական նախաձեռնության ֆեյսբուքյան էջը։
«Փաստաթուղթը սահմանում է ընդհանուր նպատակների, արժեքների և գործողությունների շրջանակ, որոնք ուղղված են`
- ազգային միասնականության վերականգնմանը,
- պետական ինքնիշխանության պաշտպանությանը,
- ժողովրդավարական կառավարման ամրապնդմանը»։
