Լրագրողներն այսօր հարց ուղղեցին ԱԺ փոխնախագահ Ռուբեն Ռուբինյանին՝արդյոք համամիտ է Նիկոլ Փաշինյանի հայտարարության հետ, որ Լևոն Տեր-Պետրոսյանը ընտրակեղծարարության հիմքն է դրել։ Միաժամանակ հիշեցրեցին՝ իր հայրն էլ 1995-1998 թթ. եղել է ԱԺ փոխնախագահ. արդյոք նա այդ ընտրակեղծարարության մաս չի կազմել։
«Այո՛, ես համաձայն եմ, որ 1996 թվականի նախագահական ընտրություններն արդար ընտրություններ չեն եղել։ Ես դա միշտ իմացել եմ։ Ես իմացել եմ դրա մասին, միշտ խոսել եմ դրա մասին։
Իսկ ինչ վերաբերում է հորս, ապա եթե կարդաք նրա հարցազրույցները, կտեսնեք, որ ինքն իր վերաբերմունքն արտահայտել է 1996 թվականի ընտրությունների վերաբերյալ։ 2008 թվականին՝ 17 տարեկանում, ես էլ եմ աջակցել Լևոն Տեր-Պետրոսյանին, հայրս էլ է աջակցել, Նիկոլ Փաշինյանն էլ, քանի որ մենք այն ժամանակ համարել ենք, որ ավազակապետական կամ, ինչպես կասեր Լևոն Տեր-Պետրոսյանը, մոնղոլ-թաթարական ռեժիմից պետք է շտապ ազատվել»,-հավելեց նա։
