Առավոտյան ադրբեջանական զինուժն Արցախում խախտել է հրադադարը

Օգոստոսի 21- ին, ժամը 05:50-ից 6։30֊ն ընկած ժամանակահատվածում ադրբեջանական զինուժը Մարտակերտի, Ասկերանի, Մարտունու և Շուշիի շրջաններում խախտել է հրադադարը` կիրառելով հրաձգային զենք։

Ինչպես հաղորդում են Արցախի Հանրապետության պաշտպանության նախարարության մամուլի ծառայությունից, հայկական կողմում տուժածներ չկան։Հրադադարի խախտման դեպքերի մասին հաղորդվել է ՌԴ խաղաղապահ զորակազմի հրամանատարությանը։