Ադրբեջանցի քաղաքական բլոգեր Սուլեյման Սուլեյմանլին X սոցիալական հարթակի իր էջում գրառում է կատարել՝ նշելով․ «Ալի՛և, դու տարիներ շարունակ սպանում ես Ադրբեջանի և Հայաստանի ժողովրդին։ Ինչո՞ւ քո որդին՝ Հեյդարը, մեկ անգամ չի կռվել։ Որովհետև այն միլիարդները, որ դու գողացել ես ադրբեջանական ժողովրդից, քո տղան ու նրա քույրերը ուտում են այլ երկրներում։ Մի օր բոլորի համար պատասխան կտաս։ Հեռացե՛ք․․․»։
Ավելի վաղ Սուլեյմանլին հայտարարել էր, որ ահաբեկիչ նախագահ Իլհամ Ալիևը Ղարաբաղում սպանել է տասնյակ հազարավոր Ադրբեջանի և Հայաստանի քաղաքացիների՝ իշխանությունը պահպանելու համար։
«Նրա հայրը՝ Հեյդար Ալիևը, իրականացրել է Խոջալուի ցեղասպանությունը և դրա մեղքը բարդել Հայաստանի վրա։ Ժողովրդի մարդասպան Ալիևը բռնապետ Էրդողանից ստացած իշխանությունով լեզուն երկարացնում է Ֆրանսիայի նման ժողովրդավարական երկրի վրա։ Ադրբեջանում ավելի քան 300 քաղբանտարկյալ կա։ Աշխարհը դեռ լռում է…»։
Աղբյուր՝ abcmedia.am
