Ադրբեջանում, նախագահական ընտրություններին ընդառաջ, Ալիևին քննադատողները բռնաճնշումների են ենթարկվում, հալածվում, նրանց կալանավորում են կեղծ մեղադրանքներ առաջադրելով։ Երկու օր առաջ ձերբակալվել ադրբեջանցի ընդդիմադիր գործիչ, նախկին քաղբանտարկյալ Թոֆիգ Յագուբլուն։
Վերջին ամսիներին ձերբակալվել, ապա 3-4 ամսով կալանավորվել են Abzas Media-ի հինգ աշխատակիցներ, այդ թվում՝ կայքի ղեկավար Ուլվի Հասանլին։ Ադրբեջանի բարձրաստիճան պաշտոնյաների և իշխող ընտանիքի մասնակցությամբ աղմկահարույց կոռուպցիոն գործարքներ բացահայտած լրագրողական թիմին ադրբեջանական իրավապահները մեղադրում են արտարժույթի մաքսանենգության մեջ, նրանց սպառնում է 7-12 տարվա ազատազրկում։
«Մենք կոչ ենք անում Ադրբեջանի կառավարությանը՝ հարգել մարդու իրավունքները և հիմնարար ազատությունները, ներառյալ խոսքի ազատությունը, ինչպես նաև շուտափույթ ազատ արձակել անարդարացիորեն ձերբակալվածներին», – ամենօրյա ճեպազրույցի ժամանակ հայտարարել է ԱՄՆ պետդեպարտամենտի խոսնակ Մեթյու Միլլերը։
Բաքվի բռնապետի զեղծարարություններին ու դիկտատուրային անդրադարձել է նաև ԱՄՆ պետդեպարտամենտը, իհարկե, ընդամենը հայտարարությամբ, որովհետև ընդդիմադիր գործիչներին ու լրագրողներին ճաղերի հետևում թողնելու պատճառով չի կարելի Ալիևին նեղացնել։ Բռնապետական ու ցեղասպան քաղաքականության հետևանքով մի ամբողջ ժողովուրդ հայրենազրկվեց, իրենց տներում հայեր մորթվեցին ու բռնագաղթեցին, Արցախը առաջին անգամ ամբողջությամբ հայաթափվեց։ Այս ոճիրի դեմ էլ ԱՄՆ-ն միայն կոչերով ու հայտարարություններով բավարավեց։
