Ադրբեջանցիները խրամորթցիներից պահանջել են գյուղը լքել (տեսանյութ)

Փետրվարի 25-ին ադրբեջանցիները շրջել են Ասկերանի Խրամորթ գյուղում ու բարձրախոսով պահանջել գյուղացիներից Խրամորթը լքել, քանի որ իբր այն ադրբեջանցիներին է պատկանում։

Խրամորթի գյուղապետ Զորիկ Աբրահամյանը հաստատել է այս լուրը և պատմել, որ ադրբեջանցիները հայտարարել են հայերեն, սպառնացել, որ եթե ինքնակամ չհեռանան, կդիմեն ուժի։ Նրանք նաև արգելել են գյուղատնտեսական աշխատանքներ կատարել։

Նշենք, որ փետրվարի 16-ին այգիներում աշխատող խրամորթցիներին ադրբեջանցիները զենքի սպառնալիքով դուրս են քշել։