Էս շենքի լինելը (նկատի ունի КГБ-ի պադվալը՝ խմբ.) Փաշինյանի ամոթն է, ԱԱԾ-ի շենքի մոտ քարոզարշավի ժամանակ այսօր հայտարարեց «Լուսավոր Հայաստան» կուսակցության նախագահ Էդմոն Մարուքյանը։
«Երբ որ ինքը բանտարկված էր «Կոշ» և «Արթիկ» ՔԿՀ-ներում, այստեղ այդ ժամանակ այլ քաղբանտարկյալներ կային։ Մենք այցելում էինք, և այն ժամանակ այստեղ եղած բոլոր մարդիկ հիմա իշխանության մեջ են։ Նրանք գիտեն, որ այս ՔԿՀ-ն պետք է փակվի։ 8 տարի է անցել, բայց «Կենտրոն» ՔԿՀ-ն շարունակում է գործել, որովհետև ոչ մի բան չի փոխվել: Նիկոլ Փաշինյանին ձեռք չի տալիս, որ այս շենքը փակվի, նա շատ լավ տեղավորվել է КГБ-ի կոստյումի մեջ»,- նշեց Մարուքյանը։
Լրագրողներից մեկի հարցին՝ համարո՞ւմ է, որ Հայաստանում քաղբանտարկյալներ կան, Էդմոն Մարուքյանը պատասխանեց՝ շատ։
«Բոլորն, ում նկատմամբ քրգործ է հարուցվել վերջին 4-5 ամիսների ընթացքում, վերջին մեկ տարում, Սամվել Կարապետյանից սկսած՝ բոլորը քաղբանտարկյալներ են։ Բագրատ սրբազանի գործն առաջինն է եղել։ Ես չեմ հավատում որևէ գաղտնալսման Բագրատ սրբազանի գործով կեղծված գաղտնալսումից հետո»,- ասաց Մարուքյանը՝ համոզմունք հայտնելով, որ շատ շուտով բոլոր քաղբանտարկյալներն ազատ են արձակվելու։
