ԱՄՆ պետքարտուղար Էնթոնի Բլինկենը Թել Ավիվում մամուլի ասուլիսում հայտարարել է, որ «քանի դեռ Միացյալ Նահանգները կա, Իսրայելը միայնակ չի լինի»։ Այս մասին գրում է Times of Israel-ը:
Նա ասել է, որ այս միտքը շեշտել է վարչապետ Բենիամին Նեթանյահուի, նախագահ Իցհակ Հերցոգի և ռազմական կաբինետի մյուս անդամների հետ իր հանդիպումների ժամանակ։
«Սրանք դժվար օրեր են, բայց մենք այստեղ ենք և համերաշխ ենք Իսրայելի հետ։ Մենք վճռականորեն կողմ ենք այն մտքին, որ Իսրայելը ոչ միայն իրավունք ունի, այլև պարտավոր է պաշտպանել իրեն և անել հնարավորը, որպեսզի համոզվի, որ այս հոկտեմբերի 7-ը երբեք չի կրկնվի:
Միևնույն ժամանակ, կարևոր է, թե Իսրայելը ինչպես է դա անում: Եվ շատ կարևոր է, որ ամեն ինչ արվի խաղաղ բնակիչներին պաշտպանելու և օգնություն ցուցաբերելու համար», – ասել է նա:
Նշենք, որ Բլինկենն այսօր կրկին Իսրայել է ժամանել:
