Արցախցիները պատահաբար տեսնում են ադրբեջանցիների կողմից սոցցանցերում տեղադրված տեսանյութեր, որոնցում իրենց բնակարաններ են՝ քանդված, գույքը դուրս լցված, ավերված։
Այս բնակարանը Մարինա Վանյանինն է։
Այս տեսանյութն իր էջում տեղադրելով՝ Մարինան գրել է՝ ՏՈՒՆՍ…
Արցախցի Մարինայի ամուսինը զոհվել է 2024 թվականի սեպտեմբերի 19-ին՝ մեր դիրքերը պաշտպանելիս. նա զինվորական էր։
Մարինան իր զավակների հետ բռնագաղթել է սեպտեմբերի 26-ին՝ իր հետ Հայաստան բերելով նաև ամուսնու մարմինը: Իգոր Գալստյանը հուղարկավորվել է Եռաբլուրում։
10 ամիս շրջափակման մեջ մնալուց, ամուսնուն կորցնելուց, բռնագաղթելուց մեկ տարի հետո Մարինան սոցցանցերում տեսնում է, թե ինչպես են ադրբեջանցիները պղծում Ստեփանակերտում գտնվող իր տունը։
Ադրբեջանցիները դիտավորյալ, արցախցիներին ցավ պատճառելու համար նրանց տներն ու այգիները պղծելու, ավերելու տեսարանները նկարահանում ու տեղադրում են սոցցանցերում։
