Մենք չենք ճանաչում կեղծված ընտրությունների արդյունքները և չենք պատրաստվում ճանաչել այդ գողացված արդյունքները, ճեպազրույցում ասել է «Միասնություն-Ազգային շարժում» կուսակցության նախագահ Թինա Բոկուչավան։
Բոկուչավայի խոսքով, «Միասնություն»-ը մտադիր է պայքարել եվրոպական ապագայի վերադարձի համար։
«Այսօրվա պատմական ընտրությունները վրաց ժողովրդի բողոքն էին և մնում են վրաց ժողովրդի հաղթանակը, բայց մենք տեսնում ենք, որ Կենտրոնական ընտրական հանձնաժողովը կատարեց Իվանիշվիլիի կեղտոտ հրամանը և հայտարարեց արդյունքներ, որոնք ցույց են տալիս, որ օլիգարխ Իվանիշվիլին հաղթանակը գողացել է վրաց ժողովրդից և դրանով իսկ գողացել եվրոպական ապագան։
Մենք չենք ընդունում ընտրությունների գողացված արդյունքները և մտադիր չենք ընդունելու այս գողացված արդյունքները։ Վրաց ժողովրդի տարած հաղթանակը ոչ թե մեկ կուսակցությանն է պատկանում, այլ ամբողջ երկրին ու ընդդիմությանը, որին վրաց ժողովուրդը միասնաբար վստահության մանդատ է տվել։ Մենք կպայքարենք, ինչպես երբեք, մեր եվրոպական ապագան վերականգնելու համար և չենք ընդունի գողացված ընտրությունների արդյունքները», – ասել է նա:
Իր հերթին, ընդդիմադիր «Հանուն փոփոխությունների» կոալիցիայի առաջնորդ Նիկա Գվարամիան «Վրացական երազանքի» հաղթանակն անվանել է «սահմանադրական հեղաշրջում»:
Նրա խոսքով՝ «Վրացական երազանքը» ստիպված կլինի ճանաչել ընդդիմության հաղթանակը։
«Մենք չենք ճանաչում այս ընտրությունների արդյունքները, ընտրությունները գողացել են, Վրաստանում տեղի է ունեցել իշխանության յուրացում, սա սահմանադրական հեղաշրջում է, սահմանադրական հեղաշրջման հեղինակը «Վրացական երազանքն» է, և «Վրացական երազանքը» պետք է պատասխան տա դրա համար։ Վրաստանի օրենսդրությամբ սահմանված կարգով, սակայն դրա փոխարեն «Վրացական երազանքը պետք է ճանաչի ընդդիմության հաղթանակը»,- ասել է Գվարամիան։
