Վաղ առավոտյան ոստիկանության խուզարկություններից հետո ձերբակալված՝ Ստամբուլի քաղաքապետ Էքրեմ Իմամօղլուն փաստաբանի միջոցով ուղերձ է հղել։
Ըստ թուրքական Cumhuriyet-ի՝ նա, մասնավորապես, գրել է. «Տրամադրությունս լավ է, թող բոլորի տրամադրությունն էլ լավ լինի։ Այստեղից ավելի ուժեղացած ենք դուրս գալու։ Ոչ մի բան ազգի կամքից ավելի մեծ չէ։ Ազգի կամքը մի անձից մեծ է»։
Նշենք, որ Թուրքիայի առաջիկա նախագահական ընտրություններում Էրդողանի հիմննական մրցակից, ընդդիմադիր «Ժողովրդահանրապետական» կուսակցության անդամ, Ստամբուլի ներկայիս քաղաքապետ Էքրեմ Իմամօղլուն այսօր առավոտյան ձերբակալվել է։
Հավելենք նաև, որ այս պահին Թուրքիայի մի քանի քաղաքներում ընթանում են զանգվածային ցույցեր՝ ի պաշտպանություն Իմամօղլուի:
Թուրքիայի Անկարա, Ստամբուլ, Իզմիր և Տրապիզոն քաղաքներում զանգվածային ցույցեր են ընթանում:
Ըստ Yeni Safak-ի՝ ցուցարարներն արդարության մասին կարգախոսներ են վանկարկում և պահանջում են ազատ արձակել նախօրեին ձերբակալված՝ Ստամբուլի ընդդիմադիր քաղաքապետ Էքրեմ Իմամօղլուին:
