«Սահմանազատումը» Տավուշի Բաղանիս-Ոսկեպար հատվածում. Դավիթ Գալստյան

Google-ի քարտեզի վրա նշել եմ, թե ինչպես է անցել նոր սահմանը։ Դեղինով Google-ի սահմանն է, կարմիրով՝ «սահմանազատման/սահմանագծման» շրջանակներում հաստատված նոր սահմանը:

Նշված են նաև այն դիրքերը, որոնցից գործընթացի արդյունքում հետ են քաշվել ՀՀ զինված ուժերը:

Ադրբեջանը ստացել է ոչ միայն անմիջականորեն ՀՀ ԶՈՒ վերահսկողության տակ գտնվող տարածքը (ինչը նշել եմ) այլ նաև «չեզոք գոտին» (միջդիրքային տարածությունը):

N.B. Կարող եք նկատել, որ Ոսկեպարի եկեղեցուց հյուսիս կարմիր գիծն ընդհատվում է: Այս 400-450 մետրանոց հատվածում, վերջի տվյալներով, ցանկապատ տեղադրված չէ:

Սա նախկին Ներքին Ոսկեպար գյուղով անցնող հատվածն է: Ձախ կողմում երևում է դեպի Վրաստան տանող ճանապարհի երկայնքով տեղակայված հայկական կիսակառույց տների շարքը:

Ավելի վաղ գրել էի Կիրանցի հատվածում նոր սահմանի մասին։

ՀՀ ԶՈՒ նախկին դիրքերը ու ադրբեջանական ալիքների / ԶԼՄ-ների «հայփը»

Ադրբեջանական ալիքները որոշեցին «հայփ» բռնել այս նյութի վրա (իհարկե, քարտեզից կտրել են անուն, «լոգո» են դրել և այլն)։

Նրանք շեշտը դրել են ՀՀ ԶՈՒ 5 թողած դիրքերի վրա՝ հետքաշումը փաստացի ներկայացնելով որպես ՆՈՐՈՒԹՅՈՒՆ,

չնայած գործընթացը տեղի ա ունեցել դեռևս 2024 թ․․․։

Այդ թվում էդ պատճառով ես շեշտը չէի դրել դիրքերի վրա. այստեղ ավելի կարևոր էր սահմանի նոր գիծը։

N.B. Ոչ բոլորն էին լավ պլանավորել։ Օրինակ՝ Modern az կայքը (և մի քանի ուրիշ կայք/էջեր) հեռացրել են լուրը (հռետորական հարց՝ ինչի՞)։

Ի դեպ, Ադրբեջանի զինված ուժերի միակ դիրքի հետքաշումն այդքան «օպերատիվ» կերպով, կարծես թե, չէր լուսաբանվել։

P.S. Ադրբեջանական կայքերից ու ալիքներից այս ինֆորմացիան խեղաթյուրված վերադարձավ ու հայտնվեց հայ օգտատերերի, խմբերի ու այլ էջերում։

Դավիթ Գալստյան, ռազմական լրագրող