Ինչ որ ուզում էինք հարցնեինք, լսեցին, պատասխաններ տվեցին, բայց ոչ բոլոր պատասխաններն են մեզ գոհացնում, լրագրողների հետ զրույցում ասաց ՍԱՄ ղեկավարի հետ հանդիպումից դուրս եկած, ծաղկի բիզնեսով զբաղվող ջերմոցատերերից մեկը։
«Օրինակ՝ չի գոհացրել, որ եթե գյուղացիներն ունեն ջերմոցներ, որը չի համապատասխանում էդ չափանիշներին։ Այսինքն՝ իրենք չեն կարողանում ցույց տան, որ դա էդ ջերմոցն ա, իրանք սեփականատերն են։ Ուղղակի իրանք էլ չեն կարողանում ծաղիկ արտահանեն, չեն կարում նույնիսկ վարձակալությամբ տան։
Ես հարցնում եմ՝ եթե մի մեքենայի մեջ մի քանի արտադրողի ծաղիկ ա գնում, ամբողջ խմբաքանա՞կն ա այրվելու, ասում են՝ այո։ Պատասխանատվությունը պիտի վերցնի մի հոգի իր վրա։ Հիմա ես կխնդրեի, որ պարոն Պետրոսյանը. (նկատի ունի ՍԱՏՄ ղեկավար Տիգրան Պետրոսյանին՝ խմբ.) խոսի, վերջացնի, հետո ես բոլոր հարցերին կպատասխանեմ»,- ասաց ծաղիկ մշակող քաղաքացին։
Ըստ նրա՝ ծաղիկները պետք է սանիտարական քննության ներկայացվեն։
«Ես հարց եմ տալիս. եթե իմ ստուգված ծաղիկը ՌԴ-ն չի ուզում ընդունի, ասում ա՝ ծաղկի վրա կա տրիպս(վնասատու միջատ՝ խմբ.), մեր ֆիտոսանիտարնին իրենց ֆիտոսանիտարնիի հետ ոնց ա՞ կռվելու։ Հայաստանում նորմալ ա, մտել ա ՌԴ՝ նորմալ չի։
Հիմա պետությանը հարցրեք՝ օգնելո՞ւ է մեզ։ Եթե ես 15 տարի ես ծաղիկ եմ ուղարկել, տրիպս է եղել, այրել են, դա իմ խնդիրն է։ Իմ պատճառով ինչո՞ւ պետք է ուրիշ ջերմոցատեր տուժի։ Եթե համատարած չեն թողնում, ուրեմն դա քաղաքական ա։ Եթե ՌԴ-ն համընդհանուր փակել ա և պահանջում ա մոնիտորինգ անցկացնել, դա նշանակում ա՝ ուզում ա մեր պատկան մարմիններին ապացուցի, որ դուք էդքան ջերմոց չունեք, ինչքան որ արտահանել եք։ Էդ ա ամբողջ խնդիրը։ Որովհետև ով որ մի հատ ֆիրմա է բացել, ծաղիկ է ներմուծել Հայաստանից, ու դրա պատճառով տուժում են իսկական ծաղիկ արտադրողները»,- ասաց ծաղկի բիզնեսով զբաղվող քաղաքացին։
Գործարարը շեշտեց՝ ծաղիկ մշակողները հասկացել են՝ եղունգ ունես, գլուխդ քորի։
«Պետական ոչ մի աջակցություն չկա, արտադրողի կողքը ոչ ոք կանգնած չի։ Չկա ջերմատների հոգսերով զբաղվող մի պետական կառույց, որ նախօրոք իմանանք՝ վարկ չվերցնենք, Հոլանդիայից ծաղիկ չներմուծենք, էդքան աշխատավարձ չտանք։ Եկել ա հունիս ամիսը, պարզվում ա՝ մեր ծաղիկը չի համապատասխան ՌԴ-ի ֆիտոսանիտարական վերահսկողությանը։
Նորից եմ ասում՝ եթե միայն իմ ծաղիկն ա վնասված, ինձ պատժեք, ինչի՞ եք ամբողջ հանրապետությանը պատժում»,- հարց հնչեցրեց գործարարը։
Նա միաժամանակ տեղեկացրեց՝ այսօր ժամը 6-ին ծաղիկ մշակողները պետք է հավաքվեն Զվարթնոցում։
«Ես ասեմ, մեզ ասեցին այսպես, հիմա որոշելիքը ձերն է, մերն է։ Ես լիդեր չեմ։ Շատերը խուսափում են տեսախցիկների առաջ խոսելուց, հիմա թիրախավորված անձը ես եմ։ Այսինքն եթե մեկը ինչ-որ մի տեղ ավտոյով ճանապարհ փակի, ես համոզված եմ՝ գալու են ինձ տանեն»,- ասաց գործարարը։
