82 տարեկանում մահացել է լեգենդար Պելեն։
Աշխարհի եռակի չեմպիոնի հետ վերջին հրաժեշտի արարողությունը տեղի կունենա հունվարի 2-ին, հաղորդում է «Սանտոս» ակումբի մամուլի ծառայությունը։
Երկրպագուները հնարավորություն կունենան «Վիլա Բելմիրո» ստադիոնում մեկ օր վերջին հրաժեշտ տալ լեգենդար բրազիլացի ֆուտբլիստին։ Հաջորդ օրը դագաղը կշրջեն Սանտուս քաղաքի փողոցներում։ Հուղարկավորությունը տեղի կունենա Սանտուսի «Տիեզերական գերեզմանատանը», որտեղ Պելեի ընտանիքի անդամների համար հատուկ տեղեր են նախատեսված։
Պատմության մեջ միակ եռակի աշխարհի չեմպիոնը (1958, 1962, 1970) մահացել է Բրազիլիայում դեկտեմբերի 29-ին 82 տարեկանում քաղցկեղի, երիկամների եւ սրտի տեւական անբավարարության հետեւանքով։
Նրա անունն ընդգրկվել է Գինեսի ռեկորդների գրքում 1279 գոլի հեղինակ դառնալու համար։
Բրազիլիայի հավաքականում անցկացրած 92 խաղում Պելեն խփել է 77 գոլ։
Պելեն «Սանտոսի» կազմում խաղացել է 1956-1974 թվականներին, հետ դարձել է Բրազիլիայի 6-ակի չեմպիոն, 5-ակի գավաթակիր, Լիբերտադորեսի գավաթի խաղարկության եւ Միջմայրցամաքային գավաթի խաղարկության կրկնակի հաղթող։
News.am
