2021 թվականի օգոստոսի 16-ին ՀայՓոստը շրջանառության մեջ է դրել չորս նոր փոստային բացիկ: Այս մասին NEWS.am-ին հայտնեցին «ՀայՓոստ» ՓԲԸ-ից։
Նամականիշով երկկողմանի փոստային բացիկները նվիրված են ֆրանսահայ նկարիչ «Ռիշար (Խաչատուր) Ժերանյանի (1921-2019 թթ.) ծննդյան 100-ամյակը» եւ հայ անվանի բնանկարիչ Արտաշես Աբրահամյանի (1921-2003թթ.) ծննդյան 100-ամյակը» թեմաներին: Նամականիշով երկկողմանի hաջորդ երկու բացիկները նվիրված են Բյուրականի աստղադիտարանին եւ Գաբրիել Սունդուկյանի անվան ազգային ակադեմիական թատրոնի հիմնադրման 100-ամյակին:
Բյուրականի աստղադիտարանին նվիրված բացիկի տպաքանակը 1500 հատ է, մյուս բացիկներինը՝ 500-ական հատ:
Բացիկների տեխնիկական տվյալներն են.
Թողարկման օրը` 16 օգոստոսի 2021թ.
Դիզայնը՝ Դավիթ Դովլաթյանի
(Բյուրականի աստղադիտարանի բացիկի դիզայնը՝ Ռեմ Սահակյանի, Դավիթ Դովլաթյանի)
Տպարանը` «Ասողիկ»
Նամականիշի չափսերը` 25,0 x 35,0 մմ
Բացիկի չափսերը` 150,0 x 110,0 մմ
