Շատ անկաշկանդ զրույց ենք ունեցել. բարձրացրել ենք գերիների և պահվող անձանց խնդիրները։ Այս մասին այսօր կայացած մամուլի ասուլիսի ժամանակ տեղեկացրեց Ժողովրդավարության զարգացման հիմնադրամի տնօրեն Նաիրա Սուլթանյանը։
«Այս հարցերի շուրջ մենք մեր հարցերն ենք բարձրացրել, իրենք՝ իրենցը։ Մենք խոսել ենք գերիների և պահվող անձանց մասին։ Պատվիրակության անդամներից շատերը իրենց ելույթներում ներառել են այս խնդիրը։ Հերթական անգամ շեշտել ենք, որ այս հարցը խաղաղության գործընթացի տրամաբանության մեջ չի տեղավորվում, որ խաղաղության գործընթացը շատ ավելի առաջ է անցել, և այս հարցերը պիտի լուծվեն, որպեսզի ավելի երաշխավորված լինի պրոցեսի առաջընթացը։
Բարձրացրել ենք նաև անհայտ կորածների խնդիրը, հայտնել ենք մտահոգություն, որ հանձնաժողովի աշխատանքները ցանկալի արագությամբ չեն գնում։
Բնականաբար, իրենք էլ իրենց հերթին բարձրացրել են իրենց հուզող հարցերը՝ ականների պայթյունների արդյունքում վնասված, զոհված անձանց հարցերը։ Նշվելէ 432 թիվը և 3 հազարից ավելի անհայտ կորածների թիվը 1990-ականներին»,-նշեց բանախոսը։
