Նրանք անպատասխանատու, անբարոյական սուտասաններ են ։ Այս մասին «Փաստինֆո»-ի թղթակցի հետ զրույցում ասաց ԱԺ աշխատակազմի նախկին ղեկավար-գլխավոր քարտուղար Արա Սաղաթելյանը՝ արձագանքելով Սյունիքում ստեղծված անվտանգային խնդիրների մասին բարձրաձայնումը լռեցնելու իշխանության գործողություններին։
Հիշեցնենք, որ Փաշինյանը եւ նրա թիմի ներկայացուցիչները ընդդիմությանն ու մամուլին մեղադրում են Սյունիքում առաջացած անվտանգային խնդիրների մասին բարձրաձայնելու համար, թե, իբր, այդպիսով տեղեկատվություն է տրամադրվում Ադրբեջանին առաջնագծում տիրող իրավիճակի մասին։ Մինչդեռ՝ ինժեներական աշխատանքների բացակայությունը Ադրբեջանին տեսանելի է նաեւ առանց որեւէ հայտարարության, քանի որ դիրքերը գտնվում են իրենց տեսադաշտում՝ մի քանի մետր հեռավորության վրա։
Այսինքն՝ իշխանությունները առկա խնդիրները կարգավորելու փոխարեն պահանջում են չբարձրաձայնել դրանց մասին՝ «Փաստինֆո»-ի դիտարկմանն ի պատասխան Ա.Սաղաթելյանն արձանագրել է, որ «նրանք Նիկոլ Փաշինյանի ամբիցիաների և վախերի սպասարկուներն են»։
«Նա զբաղվում է հասարակ թրոլինգով։ Այսինքն՝ էպոտաժով, ստով փորձում է ինչ-որ ժամանակավոր նպատակների հասնել։ Նիկոլը պոստճշմարտության ծնունդ է և ինքն այդպիսին է, այսինքն՝ որևէ հայտարարություն կամ պնդում անում է ոչ թե կախված նրանից, թե ինչքանով է դա բխում իրականությունից, այլ՝ ինչքանով է հավանական և ինչքանով է կապվում գործող իրավիճակին և ընկալելի իր լսարանի համար։ Մանիպուլյացիների միջավայր ստեղծած և մանիպուլյացիաներով մի մեծ խումբ մոլորյալներին կառավարող մի անձնավորություն, որի որևէ քայլ այս տարիների ընթացքում հիմնված չի երկրի շահի և երկրի ապագայի, ժողովրդի, ազգային շահի վրա, այլ՝ միտված է միայն իր անձնական ամբիցիաների, վախերի, կենդանական վախերի բավարարման համար»։
Մանրամասները՝ տեսանյութում
