ՆԱՏՕ-ի գլխավոր քարտուղար Մարկ Ռյուտեն հույս է հայտնել, որ ԱՄՆ-ն իր ռազմական ուշադրությունը կտեղափոխի դեպի Ասիա՝ առանց Եվրոպայի համար անակնկալների, տեղեկացնում է ՌԻԱ Նովոստի-ն։
Նշվում է, որ նա, մասնավորապես, ասել է. «ԱՄՆ-ն ավելի շատ կկենտրոնանա Ասիայի վրա, ինչը երկարաժամկետ հեռանկարում հավանաբար կնշանակի, որ պետք է փոխվի ռազմական ուժերի հավասարակշռությունը։ Ես հավատում և ակնկալում եմ, որ դա կարվի առանց անակնկալների»:
Միևնույն ժամանակ ՆԱՏՕ-ի գլխավոր քարտուղարն ընդգծել է, որ ամերիկյան ռազմական ուժերը՝ ներառյալ միջուկայինը, մնում են Եվրոպայում։
Հիշեցնենք, որ ավելի վաղ ԱՄՆ-ի նախագահ Դոնալդ Թրամփը ՆԱՏՕ-ի բոլոր անդամ երկրներից պահանջել էր պաշտպանական ծախսերը հասցնել ՀՆԱ-ի 5 տոկոսի, իսկ Պենտագոնի ղեկավար Փիթ Հեգսեթը վստահեցրել էր, որ ԱՄՆ-ն դեռ չի ծրագրում նվազեցնել իր ռազմական ներկայությունը Եվրոպայում։
