88 տարեկան հասակում մահացել է ֆրանսիացի թատրոնի և կինոյի դերասան, կինոռեժիսոր, սցենարիստ և պրոդյուսեր Ալեն Դելոնը։ Դերասանի երեխաների հայտարարությունը հրապարակում է AFP-ն։
«Մեծ ցավով հայտնում ենք մեր հոր մահվան մասին։ Նա խաղաղ կյանքից հեռացել է Դուշիի իր տանը՝ ընտանիքի շրջապատում։ Սիրով խնդրում ենք հարգել նրա գաղտնիությունը այս չափազանց ցավալի պահին»,- ասված է հայտարարության մեջ:
Ալեն Դելոնը ծնվել է 1935 թվականի նոյեմբերի 8-ին Փարիզի հարավային արվարձանում։ Նա իր դերասանական կարիերան սկսել է 1957 թվականին՝ իր դեբյուտը կատարելով Իվ Ալեգրիի «Երբ միջամտում է կինը» ֆիլմում։ Ամենամեծ համբավը ձեռք է բերել «Պայծառ արևի տակ» (1960 թ.), «Ռոկկոն և նրա եղբայրները» (1960 թ.), «Հովազը» (1963 թ.), «Սև կակաչը» (1964 թ.) ֆիլմերից հետո։ Ընդհանուր առմամբ, Դելոնի ֆիլմագրությունը ներառում է ավելի քան 130 նախագիծ ։
Ալեն Դելոնը կինոմրցանակների բազմակի դափնեկիր է։ Դրանց թվում են Ֆրանսիայի ազգային «Սեզար» մրցանակը լավագույն դերասանի համար, իտալական Դավիդ դի Դոնատելլոյի կինոմրցանակը, Բեռլինի կինոփառատոնի մրցանակը կինոյում ունեցած ավանդի համար և Կաննի կինոփառատոնի ոսկե արմավենին իր ակնառու կարիերայի համար:
