Ռուսաստանը ակտիվ և հուսալի միջնորդ է Լեռնային Ղարաբաղի հակամարտության կարգավորման գործընթացում: Այդ մասին ՀՀ նախագահ Արմեն Սարգսյանը հայտարարել է հոկտեմբերի 24-ին լույս տեսած եգիպտական «Ալ-Ահրամ» շաբաթաթերթին տված հարցազրույցում:
«Ռուսաստանը ցույց է տվել խաղաղ լուծում գտնելու հարցում իր նվիրվածությունը՝ հոկտեմբերի 10-ին որպես միջնորդ հանդես գալով կողմերի միջև հրադադարի ռեժիմի հաստատման գործում: Դա համարձակ և ժամանակին արված քայլ էր», ասել է Արմեն Սարգսյանը:
