Կուբայի Հանրապետության նախկին նախագահ Ռաուլ Կաստրոն ՌԴ Անվտանգության խորհրդի փոխնախագահ Դմիտրի Մեդվեդևի հետ զրույցում լիակատար աջակցություն է հայտնել Մոսկվային Ուկրաինայում տիրող իրավիճակի վերաբերյալ։
«Ռաուլ Կաստրոն շնորհակալություն է հայտնել Դմիտրի Մեդվեդևին շնորհավորանքների համար, լիակատար աջակցություն հայտնել Ռուսաստանի Դաշնությանը Ուկրաինայում տիրող իրավիճակի հետ կապված և վստահություն` Ռուսաստանի հաղթանակի նկատմամբ»,- հայտնել են Մեդվեդևի գրասենյակից։
Հունիսի 3-ին Դմիտրի Մեդվեդևը հեռախոսազրույց է ունեցել Կուբայի հեղափոխության առաջնորդ Ռաուլ Կաստրոյի հետ՝ ծննդյան 92-րդ տարեդարձի կապակցությամբ։ Զրույցի ընթացքում ՌԴ Անվտանգության խորհրդի փոխնախագահը նշել է, որ Ռուսաստանը բարձր է գնահատում Կուբայի օգնությունը Արևմուտքին դիմակայելու հարցում՝ «հիբրիդային պատերազմի» պայմաններում։
