Գիտության ոլորտի ֆինասավորումը չի կրճատվելու, այսօր կայացած մամուլի ասուլիսի ժամանակ հայտարարեց ԿԳՄՍ նախարար Ժաննա Անդրեասյանը։
«Պետությունն արել է հետևյալը. բոլոր ծրագրերը, որոնք սկսված են և շարունակվում են, ամբողջությամբ ֆինանսավորվելու են։ Միջոցներ են հատկացվելու այն ծրագրերին, որոնք կլինեն արդիական, և դրանց ֆինասավորումը կդիտվի նպատակահարմար։ Պետական բյուջեն ունի բոլոր կարգավորումները՝ գիտությունը ֆինանսավորելու ամբողջ ծավալով։
Քննարկման ենք ներկայացրել գիտության զարգացման ռազմավարությունը, և գիտության ոլորտում մեր նպատակներն ու թիրախները գնալով ավելի հավակնոտ են դառնում»,- հավաստիացրեց Ժաննա Անդրեասյանը։
