Աջակողմյան ազդեցիկ գործիչ Չարլի Քըրքի սպանությունը վճռորոշ պահ է ԱՄՆ-ում քաղաքական բռնության ալիքի մեջ, որը, որոշ փորձագետների կարծիքով, կբորբոքի արդեն իսկ պառակտված երկիրի մթնոլորտը և կխթանի ավելի շատ անկարգություններ. գրում է Reuters-ը։
«Այս իրադարձությունը սարսափելի է, մտահոգիչ, բայց ոչ զարմանալի», – ասել է Մերիլենդի համալսարանի հետազոտող Մայք Ջենսենը, որը 1970 թվականից ի վեր ահաբեկչության տվյալների բազայում հետևել է նման բռնության դեպքերին։
Նշենք, որ ռադիո-փոդքասթի մեկնաբանը նախագահ Դոնալդ Թրամփի կարևոր աջակիցն էր։
Ոստիկանությունը կենտրոնացնում է որոնողական աշխատանքները «ակտիվ հանցագործության վայրերում»։
Սեպտեմբերի 10-ին Յուտայի Վելիի համալսարանում տեղի ունեցած հանրահավաքի ժամանակ Քըրքը պատասխանում էր հրազենային բռնության վերաբերյալ հարցերին, երբ կրակոցներ արձակվեցին իր ուղղությամբ։
Ոստիկանությունը և դաշնային գործակալները որոնում են դիպուկահարին, որը սպանել է պահպանողական ակտիվիստ Չարլի Քըրքին։ Հանցագործը մնում է ազատության մեջ, և իշխանությունները դեռևս որևէ կասկածյալի չեն նույնականացրել:
