«Վայլդբերիս» ընկերությունից ազատվելու՝ Հայաստանի կառավարության ջանքերը շարունակվում են։
Ինչպես արդեն տեղեկացրել ենք, Պետական եկամուտների կոմիտեի Արևելյան մաքսատուն վարչության Բագրատաշեն կետ-բաժնում իրականացված մաքսային հսկողության ընթացքում «ՎԱՅԼԴԲԵՐՐԻԶ» ՍՊ ընկերության մոտ հայտնաբերվել են մաքսային կանոնների խախտման դեպքեր՝ ներմուծման ժամանակ ապրանքների թերհայտարարագրումների, իսկ արտահանման ժամանակ ապրանքների ավել հայտարարագրումների հետ կապված։
Այսօր ՊԵԿ նախագահ Ռուստամ Բադասյանը հայտարարել է.
«Եթե «Վայլդբերիս»-ը հայաստանյան սպառողին ապրանք մատակարարելիս ԱԱՀ չէր վճարում, ապա այս տարվանից սկսած վճարում է։
Մենք հետևել ենք, որ այդ ընկերությունը հավասար մրցակցային պայմաններում աշխատի։
Հետևաբար, եթե հարցը կապված է ՊԵԿ-ին հետ, ապա մեր մասով խնդիրը լուծված է։ ՊԵԿ-ն ամեն ինչ անում է և հետևում է, որ այդ ընկերությունն առավելություն չունենա որևէ առումով։ Վերջերս 3.2 մլրդ դրամի վերականգնում է տեղի ունեցել»։
Առևտրականները, մեծ մասմաբ՝ Մոլերի աշխատակիցները, այսօր Կառավարության առջև բողոի ակցիա են իրականացրել՝ պահանջելով «Վայլդբերիսի» գործունեությունը Հայաստանում դադարեցնել։
Հանրության շրջանում ու սոցցանցերում դժգոհության ալիք է բարձրացել. «Վայլդբերիսի» ծառայությունների միջոցով մարդիկ բազմաթիվ ապրանքներ գնում էին մի քանի անգամ էժան, իսկ այսուհետև այդ հնարավորությունից զրկվելու են։
Հասկանալի է, որ «Վայլդբերիսից» գնումները պակասեցրել են տեղական ապրանքի վաճառքը, բայց պետք է հաշվի առնել, որ տեղականը բավականին թանկ է՝ ոչ հասու միջին ու ցածր եկամուտ ունեցող հանրությանը։ Բացի այդ, «Վայլդբերիսի» էժան պատվերների պատճառով չեն վաճառվում դրսից Հայաստան ներմուծված ապրանքները, որոնք դարձյալ մի քանի անգամ թանկ են։
Բացի այդ, առցանց գնումները ժամանակ ու ռեսուրս են խնայում, ինչը գնահատվում է ամբողջ աշխարհում, ինչի հնարավորությունը «Վայլդբերիսն» ընձեռում է, իսկ տեղական շուկան՝ ոչ։
«Վայլդբերիսի» դեմ սկսված հովանավորչական արշավը, պարզ է, որ հանրության գրպանին խփելու, հանրության ֆինանսական միջոցները վերահսկելու և դրանք ապրանք ներմուծող «խոշոր ձկների» գրպանն ուղղորդելուն են ուղղված։
