Թուրքիայում՝ երկրաշարժի գոտում, կրակոցներ են լսվում, տեղեկություններ կան քրեական խմբավորումների ակտիվության աճի մասին․ հաղորդում է Medianews.site-ը։
Ավստրիայի և Գերմանիայի փրկարարները դադարեցրել են որոնողական աշխատանքները երկրաշարժից տուժած Թուրքիայում, որովհետև աշխատանքի ու առհասարակ այնտեղ գտնվելու համար անապահով, կյանքի համար վտանգավոր պայմաններ են։
Ավստրիացի փոխգնդապետ Պիեր Կուգելվայսը փետրվարի 11-ին այս առնչությամբ հայտարարել է. «Թուրքիայում քրեական խմբավորումներն առճակատման մեջ են, անընդհատ կրակոցներ են հնչում։ Այստեղ փրկարարական աշխատանք իրականացնելը մեծ ռիսկ է»։
Նշենք նաև, որ իսրայելցի փրկարարները ևս լքում են Թուրքիան՝ դարձյալ նույն պատճառով, ելնելով անվտանգության նկատառումներից:
