Մինչ իշխանությունները զբաղված են նախընտրական շոուներով ու ժողովրդին հազարումի թեմաներով շեղելով՝ Բանակում արդեն 3-րդ զոհն ունենք։
Բացի շարքային մի քանի տող հաղորդագրությունից, այլ տեղեկություն չկա, չկան նաև մեղավորներ ու պատասխանատուներ։
Իշխանությունը լծված է քարոզարշավին, սպանությունների, օրը ցերեկով փոխհրաձգությունների մեղավորների բացահայտման ժամանաը չէ։
Իսկ թե ինչ է կատարվում Բանակում, բազմիցս ենք համոզվել, որ իշխանություններին չի հետաքրքրում, ինչպես չհետաքրքրեց, որ բանտում կալանավոր է մահացել, որը ջրադուլի, հացադուլի, տարբեր գործիքներ կուլ տալու միջոցով փորձել էր իր բողոքը հայտնել պատկան մարմիններին, որ առողջական այնպիսի խնդիրներ ունի, որոնք անհամատեղելի են կալանքի հետ։
Արդարադատության նախարար Սրբուհի Գալյանն օրերս հայտարարեց, որ այդ դեպքի հետ կապված՝ ինքն իրեն մեղավոր չի զգում։
Պաշտպանության նախարարն ու ոլորտի մյուս պատասխանատուներն էլ իրենց մեղավոր չեն զգում, որ տարին նոր է սկսվել, 2-րդ ամիսն է անցնում, ու արդեն 3 զոհ ունենք Բանակում՝ «խաղաղության պայմաններում»։
