Ադրբեջանի սահմանի արդեն սահմանազատված հատվածի հատումը կարևոր խորհրդանշական քայլ է, որը ցույց է տալիս, թե որքան իրական է խաղաղությունը։
Ինչպես հաղորդում է ադրբեջանական APA-ն, այս մասին հայտարարել է «Խաղաղության կամուրջ» նախաձեռնության համակարգող, Հայաստանի խորհրդի նախագահ Արեգ Քոչինյանը՝ Ադրբեջանի և Հայաստանի քաղաքացիական հասարակությունների փորձագետների հանդիպմանը նվիրված մամուլի ասուլիսում։
Ներկայացնում ենք APА-ի հրապարակումն ամբողջությամբ.
Նա նշել է, որ «Խաղաղության կամուրջ» նախաձեռնության նպատակն է խթանել շփումներն ու երկխոսությունը քաղաքացիական հասարակության ներկայացուցիչների, փորձագետների և լրատվամիջոցների միջև։
«Այս նախաձեռնությունն ունի երկու հիմնական նպատակ։ Առաջինը՝ Հայաստանի և Ադրբեջանի հասարակություններին պատրաստել խաղաղության՝ ավելի քան 30 տարի տևած հակամարտությունից հետո։ Սա չափազանց կարևոր է։ Երկրորդը՝ մասնագետներին հարթակ տրամադրել՝ առաջ քաշելու նոր գաղափարներ և հարցեր, որոնք դեռևս չեն քննարկվել պետական բանակցությունների մակարդակում, ինչպես նաև ստուգելու կողմերի արձագանքը՝ այդ գաղափարներին։ Երբեմն նման հարցերը հետագայում ներառվում են պաշտոնական բանակցային օրակարգում։
Այն փաստը, որ «Խաղաղության կամուրջ» նախաձեռնության չորրորդ հանդիպումը տեղի է ունենում, արդեն իսկ նշանակալի նվաճում է: Սկզբում շատ քննադատություններ և կասկածներ կային այն մասին, թե արդյոք նախաձեռնությունը կշարունակվի և արդյոք այն կդառնա ինստիտուցիոնալ: Սակայն չորրորդ հանդիպումն այժմ ընթացքի մեջ է, ինչը ցույց է տալիս այս քննադատության անհիմն բնույթը:
Ավելին, նախաձեռնությունը հասել է կարգավորման որոշակի մակարդակի։ Փոխադարձ այցելությունները, շփումները և ընկերությունների հետ աշխատանքը դառնում են սովորական երևույթ։
Հայ փորձագետի՝ Ադրբեջանում կամ ադրբեջանցի փորձագետի ներկայությունը Հայաստանում այլևս չի ընկալվում որպես անսովոր, այլ՝ որպես նորմալ երևույթ։ Սա կարևոր գործոն է։
«Մենք նաև համաձայնեցինք մոտ ապագայում իրականացնել մի շարք նոր նախաձեռնություններ. մեր համագործակցության լրացուցիչ արդյունքներ կդառնան հոդվածների հրապարակումը, հետազոտությունների և համատեղ միջոցառումների անցկացումը», – հայտարարել է Քոչինյանը։
