Թյուրքական պետությունների կազմակերպությունը Հռչակագիր է ընդունել՝ ընդգծելով Զանգեզուրի միջանցքի գործարկման ուղղությամբ իր ջանքերը

Մենք ողջունում ենք 2025 թվականի օգոստոսի 8-ին Վաշինգտոնում Ադրբեջանի Հանրապետության և Հայաստանի Հանրապետության միջև կնքված համաձայնագրի նախաստորագրումը, որը նախատեսում է հաղորդակցության ուղիների բացում, որոնք ապահովում են Ադրբեջանի մայրցամաքային մասի և Նախիջևանի Ինքնավար Հանրապետության միջև անխոչընդոտ փոխադրումները, ինչպես նաև բացահայտում է տարածաշրջանի տարանցիկ ներուժը և նպաստում խաղաղությանը, կայունությանը և բարգավաճմանը. ասվում է Թյուրքական պետությունների կազմակերպության պետությունների ղեկավարների խորհրդի 12-րդ գագաթնաժողովից հետո Գաբալայի հռչակագրում։

Փաստաթղթում ընդգծվում է, որ առաջնորդները աջակցություն են հայտնել անդամ պետությունների կողմից Զանգեզուրի միջանցքի գործարկման և զարգացման ուղղությամբ շարունակական ջանքերին, վերահաստատել են Բաքու-Թբիլիսի-Կարս երկաթուղուց առավելագույնս արդյունավետ օգտվելու իրենց հանձնառությունը և ընդգծել են Տրանսկասպյան միջազգային Արևելք-Արևմուտք տրանսպորտային միջանցքի և Չինաստան-Ղրղզստան-Ուզբեկստան երկաթուղու կարևորությունը միջտարածաշրջանային կապերի ամրապնդման և Եվրոպայի և Ասիայի միջև առևտրային ուղիների դիվերսիֆիկացման համար։