Պենտագոնի մամուլի քարտուղար Փատրիկ Ռայդերը հայտարարել է` ԱՄՆ-ը կապ չունի Իրանին հասցված հարվածների հետ։
Reuters գործակալությունը հայտնում է, որ ինչպես Ռայդերն է հայտարարել, ամերիկացի զինվորականները չեն մասնակցել իսլամական հանրապետությանը հասցված հարվածներին։
Ռայդերը հրաժարվել է այլ մեկնաբանություններից։ Եվս մի քանի ամերիկացի պաշտոնյա, որոնց անունները չեն նշվում, Reuters-ին ասել են, որ Միացյալ Նահանգները կապ չունի Իրանի Սպահան քաղաքի ռազմական գործարանի դեմ կատարված անօդաչուների գրոհի հետ։
Al Arabya հեռուստաալիքը՝ հղում կատարելով ամերիկյան աղբյուրներին, հայտնել է, որ Սսպահանի ռազմական գործարանի դեմ գրոհին կարող է մասնակցած լինել ԱՄՆ ՌՕՈւ-ն։
Հիշեցնենք, որ հունվարի 28-ի երեկոյան Սպահանում տեղի է ունեցել հզոր պայթյուն։ Իրանի պաշտպանության նախարարությունը հայտարարել է, որ դա անօդաչուների «անհաջող գրոհ» էր։
