«Ի հեճուկս բոլոր բարդությունների, իսկապես, երկարաժամկետ, կայուն ու տևական խաղաղություն հաստատելու հնարավորություն կա։
Ադրբեջանին կոչ եմ անում զերծ մնալ այդ հնարավորությունը նվազեցնելուն ուղղված քայլերից, ինչպես, օրինակ, միջազգային մեխանիզմի շրջանակում Բաքու-Ստեփանակերտ երկխոսության շարունակական տորպեդահարումը, Լաչինի միջանցքի ապօրինի արգելափակումն ու շաբաթվա սկզբին ԿԽՄԿ-ի կողմից Երևան տեղափոխված ԼՂ բնակիչ Վագիֆ Խաչատրյանի առևանգումը»,- Կառավարաության այօրվա նիստին ասել է Նիկոլ Փաշինյանը։
Ինչ վերաբերում է Կոռնիձորում գտնվող հումանիտար բեռին, որն Ադրբեջանը թույլ չի տալիս Լաչինի միջանցքով տեղափոխել, նա ասել է․
«Ինչո՞ւ ռուս խաղաղապահները չեն ապահովում Հայաստանի կառավարության ուղարկած հումանիտար օգնության մուտքը Ղարաբաղ, եթե Ադրբեջանը պնդում է, որ չի արգելափակել Լաչինի միջանցքը: Կարծում եմ՝ այս հարցի պարզաբանումը կարևոր է, եւ մեր համապատասխան մարմինները պետք է աշխատեն այս հարցի շուրջ պարզաբանումներ ստանալու ուղղությամբ»։
Փաշինյանի ելույթին ուշիուշով հետևել են ադրբեջանական զլմներն ու ցիտել նրա խոսքը.
«Ուզում եմ ընդգծել Հայաստանի հավատարմությունը Ադրբեջանի և Հայաստանի միջև խաղաղության հաստատման համաձայնագրին՝ հիմնված միմյանց տարածքային ամբողջականության ճանաչման վրա»։
