Թեհրանում Գերմանիայի գործերի ժամանակավոր հավատարմատարը կանչվել է ԱԳՆ՝ ի նշան բողոքի այդ երկրում բնակվող իարնցիներին հյուպատոսական ծառայություններ մատուցելուց զրկելու՝ ԱԳՆ որոշման դեմ, գրում է parstoday.ir-ը:
«Սահաբ» գործակալությունը հայտնում է, որ Գերմանիայի ԱԳ նախարար Անալենա Բաերբոքը՝ Tander ահաբեկչական խմբավորման առաջնորդ Ջամշիդ Շարմեհեդի մահապատժից հետո, հրամայել է փակել Ֆրանկֆուրտում, Համբուրգում և Մյունխենում ԻԻՀ հյուպատոսությունները։
Այդ որոշումից հետո, Գերմանիայի դեսպանության գործերի ժամանակավոր հավատարմատար Հանս-Պետեր Ուգելը հինգշաբթի օրը կանչվել է ԱԳՆ, որտեղ վերջինիս է փոխանցվել Իրանի խիստ բողոքը՝ Գերմանիայի ԱԳ նախարարի որոշման կապակցությամբ։
ԻԻՀ ԱԳՆ Արևմտյան Եվրոպայի առաջին վարչության ղեկավարն Ուգելի հետ հանդիպմանը դատապարտել է Իրանի ժողովրդի, այդ թվում՝ Գերմանիայում բնակվող իրանցիների դեմ ուղղված Գերմանիայի կառավարության ապակառուցողական և չարդարացված մոտեցումը։
ԻԻՀ ԱԳՆ-ն նշել է, որ Գերմանիայում բնակվող իրանցիներին հյուպատոսական ծառայությունների մատուցումը և նրանց շահերին աջակցելը հյուրընկալող երկրի պարտականությունն է, և այդ ԻԻՀ հյուպատոսարանները փակելու Գերմանիայի կառավարության որոշումը իրանցիներին միտումնավոր զրկում է հյուպատոսական ծառայություններից:
Նախարարությունը հավելել է, որ Գերմանիայի ԱԳ նախարարի որոշումն անհեթեթ, միջամտողական, ոչ պրոֆեսիոնալ և անպարկեշտ քայլ է, որը զուրկ է որևէ իրավական հիմքից։
Անդրադառնալով ահաբեկչության դեմ պայքարի և կանխարգելման վերաբերյալ բոլոր կառավարությունների հանձնառությանը՝ ԻԻՀ ԱԳՆ-ն դատապարտել է Գերմանիայի կառավարության կողմից միջազգային իրավունքի կանոնների խախտումը և ահաբեկչությանն ու անմեղ մարդկանց սպանությանը ցանկացած աջակցություն, այդ թվում՝ քաղաքացիների պաշտպանության անվան տակ:
