Հայոց Ցեղասպանության 110 ամյակին նվիրված կայանալիք միջոցառումների շարք`
Ապրիլի 23, ժամը 19:15
«Վրաստանի հայ համայնք» կազմակերպության աջակցությամբ, Վրաստանի երիտասարդական միությունը կազմակերպում է ավանդական ջահերով երթ Իսանի մետրոյի հարակից տարածքից դեպի Ավլաբարիի Սուրբ Էջմիածին եկեղեցու բակում գտնվող Հայոց ցեղասպանության անմեղ զոհերին նվիրված խաչքարի ուղղությամբ, վերջում եկեղեցում` խաղաղության աղոթք և մոմավառություն։
Ապրիլի 24, ժամը 12:00
Թբիլիսիի Առաջնորդանիստ Սուրբ Գևորգ եկեղեցում, Վիրահայոց թեմի առաջնորդ՝ գերաշնորհ Տեր Կիրակոս եպս. Դավթյանի նախագահությամբ, կմատուցվի Բարեխոսության կարգ, աղոթք՝ ի հիշատակ 1915 թ. 1.5 միլիոն սրբադասված անմեղ նահատակների։
Ապրիլի 24, ժամը 14։00
Կկայանա պահանջատիրական ցույց Թուրքիայի դեսպանատան առջև։
Աղբյուր՝ Վրաստանի հայ համայնք
