Օգոստոսի 27-ին Դաստակերտի քաղաքապետարանին հարակից կիսակառույց շինության առաջին հարկում փրկարարները հայտնաբերել են կորած քաղաքացու դին։ Այս մասի տեղեկացնում է ՀՀ ԱԻՆ-ը։
Հիշեցնենք, որ օգոստոսի 23-ին, ժամը 17։52-ին Մարզային ճգնաժամային կառավարման կենտրոն տեղեկատվություն է ստացվել, որ օգոստոսի 22-ին ժամը 14:00-ից Դաստակերտ քաղաքի 1-ին փողոցի տներից մեկի բնակիչ Արմինե Մ․-ն (ծնված 1986 թ․) դուրս է եկել տնից եւ չի վերադարձել։
Դեպքի վայր է մեկնել ԱԻՆ ՓԾ Սյունիքի մարզային փրկարարական վարչության օպերատիվ խումբը։
Որոնողական աշխատանքներին մասնակցել են ոստիկանության Սիսիանի բաժնի 10 աշխատակիցներ եւ քաղաքացիներ։
Օգոստոսի 23-26-ն իրականացված որոնողական աշխատանքներն ավարտվել են անարդյունք։
