Բելառուսի նախագահ Ալեքսանդր Լուկաշենկոն կեղծարարություն է անվանել Ալեքսեյ Նավալնիի թունավորման մասին տեղեկատվությունը: Այդ մասին նախագահն այսօր հայտարարել է Ռուսաստանի վարչապետ Միխայիլ Միշուստինի հետ հանդիպման ժամանակ, հաղորդում է БЕЛТА-ի թղթակիցը։
«Արևմուտքը նոր նախընտրելի թեմա ունի՝ կրկին «Նովիչոկ», կրկին թունավորում: Ուստի պետք է ասեմ, որ երեկ թե երեկ չէ առաջին օրը, Մերկելի ելույթից առաջ (նա ասաց, որ ուզում են Նավալնիին լռեցնել), մենք խոսակցությունը գաղտնալսել ենք: Որքան հասկացանք, Վարշավան խոսում է Բեռլինի հետ: Երկու բաժանորդ է կապի մեջ: Կալանել է մեր ռադիոէլեկտրոնային հետախուզությունը։
Քանի որ այնտեղ [Բելառուսի արևմտյան սահմանների մոտ] ստորաբաժանումներ են, և մենք, իհարկե, ռադիոյի ոլորտում առճակատում ենք իրականացնում ՆԱՏՕ-ի հետ։ Եվ մենք գաղտնալսել ենք մի հետաքրքիր զրույց, որը (կտամ կարդաք, կպատրաստենք և կուղարկենք ԱԴԾ-ին) հստակ ցույց է տալիս, որ դա կեղծարարություն է: Նավալնիի թունավորում տեղի չի ունեցել», ասել է Բելառուսի նախագահը:
