Բելառուսի պաշտպանության նախարարությունը տելեգրամյան ալիքում հայտնել է, որ անհրաժեշտության դեպքում կարող է 500 հազար վերապատրաստված պահեստազորային ռեսուրս ստեղծել։
«Ռազմական գերատեսչությունը, անհրաժեշտության դեպքում, կարող է 500 հազար պահեստազորային ռեսուրս ստեղծել»,- ասվում է հաղորդագրության մեջ։
Բելառուսի պաշտպանության նախարար, գեներալ-լեյտենանտ Վիկտոր Խրենինի խոսքով՝ պահեստազորի զինվորականների հետ աշխատանքն իրականացվում է «բացարձակ ծրագրված», ինչը զինկոմիսարիատների եւ զորամասերի պաշտոնյաների ամենօրյա աշխատանքային պարտականությունների մաս է կազմում։Նախարարը նաեւ ընդգծել է, որ հանրապետությունը պայմանագրային բանակ ստեղծելու կարիք չունի, քանի որ Բելառուսի բանակի 60 տոկոսը պայմանագրային զինծառայողներ են։
