Ադրբեջանի զոհերի հիշատակի օրը մենք հիշում ենք այն ադրբեջանցիներին, ովքեր զոհվեցին տասնամյակներ տևած հակամարտության ընթացքում. գրված է Ադրբեջանում ԱՄՆ դեսպանատան X սոցիալական հարթակում։
Հաղորդագրության մեջ նաև ասում է.
«Օգոստոսի 8-ին Վաշինգտոնում Հարավային Կովկասում նոր էջ սկսվելու ականատեսը եղանք։
Միացյալ Նահանգները կշարունակի իր ջանքեր գործադրել՝ տարածաշրջանում երկարատև խաղաղություն հաստատելու համար։
Այսօր Միացյալ Նահանգների դեսպանատունը խորին ցավակցություն է հայտնում այն ադրբեջանցիներին և նրանց ընտանիքներին, ովքեր կորցրել են հարազատներին»։
Ինչպես տեսնում ենք, ԱՄՆ դեսպանատունը ցավակցել է հենց այն օրը, երբ 5 տարի առաջ ագրեսոր Ադրբեջանը հարձակվեց Արցախի վրա ու չի հիշատակել, որ 5 տարի առաջ նույն այս օրն ագրեսոր Ադրբեջանը հարձակվեց Արցախի վրա։ Արդյո՞ք սա չի նշանակում, որ արդարացվում են Ադրբեջանի պատերազմական գործողությունները, պատերազմական հանցագործությունները, Արցախի էթնիկ զտումը, ցեղասպանությունը։ ԱՄՆ դեսպանատունը ցավակցել է «տասնամյակներ տևած հակամարտության ընթացքում զոհված» ադրբեջանցիների հարազատներին, ու ոչ մի խոսք, որ Ադրբեջանի սանձազերծած պատերազմի հետևանքով հայկական կողմը հազարավոր զոհեր է ունեցել, որ արցախցիներն արտաքսվել են իրենց Հայրենիքից, որ Ադրբեջանն էթնիկ զտում է իրականացրել ու մինչ օրս տասնյակներով հայ գերիների է պահում Բաքվի բանտերում։
