«Փաստաթուղթ է պետք պատրաստել՝ 15-20 քայլերից։ Աղդամի կողմից և Գորիսի կողմից հնարավորություն ստեղծել առևտուր սկսել, սա է լինելու տարբերակը. ցանկանում ենք, թե ոչ` դա է իրականությունը»,- Հ1-ի եթերում ասաց Սամվել Բաբայանը, որի հետ Պետրոս Ղազարյանն ուղիղ կապով հարցազրույց էր վարում։
Բաբայանը այլ ելք չի տեսնում, քան ադրբեջանցիների պարտադրած պահանջները կատարելը և հաշտվելը թշնամու հետ առևտուր անելու, նրա ասած ճանապարհն օտտագործելու հետ։
«Արցախում ու Հայաստանում կան ուժեր, որոնք կարծում են, թե դա հանձնվել է նշանակում։ Պետք է պայքարենք, բայց ո՞նց ես պայքարում, միտինգ ենք անում, աշխարհի ուշադրությունը հրավիրենք, ես էլ ասում եմ՝ աշխարհում օրական 200 հազար մարդ սովից մահանում է, ոչ մեկը սրան ուշադրություն չի դարձնում։ Այնպես որ, ինչքան ուզում եք, արեք էդ միտինգը, ոչ մի բան չի ստացվելու։
Ես ադրբեջանցու հետ ապրել եմ իմ ջահել կյանքը, ես գիտեմ դա ինչ է։ Երիտասարդ են, չեն հասկանում, փորձ են անում, թող անեն, ո՞վ է խանգարում։ Մի 20 օր էլ դիմացեք, հետո՞։ Մեկ է, գալու եք վերջը էդ կետին։ Ինչի՞ եք ժողովրդին փորձարկման դաշտ բերել։ Ճշմարտությունը չեք ասում, չեք ասում, որ, այո՛, երբ որ պատերազմը պարտվում ես, պարտվող կողմն ընդունում է ինչ-որ խաղի կանոններ»,- եթերից ասաց Սամվել Բաբայանը։
Ադրբեջանը Հայաստանին արգելում է Արցախ կամ Լեռնային Ղարաբաղ անունն անգամ օգտագործել կամ խառնվել իր ներքին խնդիրներին. Սամվել Բաբայանը նաև այս հանգամանքի վրա է ուշադրություն հրավիրում։ Այսինքն՝ մենք այդ աստիճանի ճնշված ու իրավազուրկ ենք։
«Ասում են, եթե Ադրբեջանի հետ բանակցությություններ սկսենք, մենք չգիտեմ ինչ ենք կորցնում։ Մենք կորցրել ենք վաղուց, երբ քսան տարուց ավելի թալանel ենք երկիրը, բերել ենք պատերազմի։ Մենք ամեն ինչ կորցրել ենք․ պետք է մեզ գտնենք, մնանք մեր տարածաշրջանում որպես հայ ու հայեցի ապրենք։ Մենք պետք է ունենանք հարցերի շարք, որպեսզի ներկայացնենք Ադրբեջանին, մեր օրակարգով ներկայանանք, ոչ թե նրանք իրենց օրակարգը բերեն առաջ»,-ավելացրեց Սամվել Բաբայանը։
