Ադրբեջանցիները Հայաստանի Հանրապետության այս քարտեզն են տարածում՝ «Արևմտյան Ադրբեջան» անվամբ։ Ամբողջ Հայաստանի բնակավայրերը ադրբեջանական կեղծ անուններով են։
Ի դեպ, այդ երկրի պետական բուհերում ստեղծվել են «Արևմտյան Ադրբեջանի ուսումնասիրման ամբիոններ»՝ ներգրավելով ադրբեջանցի «մասնագետների»։
Իսկ զուգահեռ իրականությունում ՀՀ իշխանությունները, որոնք, ինչպես տեսնում ենք, իրենց զգում են որպես «Արևմտյան Ադրբեջանի» իշխանություններ, ատամներով պաշտպանում են ադրբեջանական շահերը, Վերին Ոսկեպար գյուղից հանում են մարդկանց՝ ասելով, թե դրանք մեր հողերը չեն, ասֆալտ փռելուց, ծորակ ու ցնցուղ տեղադրելուց են խոսում. փաստացի օրինակը՝ Կառավարության այսօրվա նիստը։
Կառավարության անսասան գլուխը ադրբեջանական ուղիղ սպառնալիքների ֆոնին դարձյալ կարևորել է ցնցուղն ու ծորակը։
Ինչքան էլ ջայլամի պես գլուխներս խոր մտցնենք ավազի մեջ, իրականությունը դրանց չի՛ փոխվելու։
Եվ թող դիլետանտներն ու կեղծ սառնասիրտները վայնասուն չբարձրացնեն, թե՝ սա ընդամենը Ադրբեջանի քարոզչական պատերազմի դրսևորում է, հոգեբանական ճնշում։
Ո՛չ, սա իրական պատերազմ է՝ բոլոր հարթակներում ու բոլոր թիրախներում, որին հայկական կողմը ոչ մի պատասխամ չունի։ Փոխարենն ունի ծնկած ու նվաստացած՝ թշնամու բոլոր պարտադրանքներն ընդունելու ցանկություն։
Քանի դեռ մենք թշնամուն ատամ ցույց չենք տվել, նա իր երախն է ցույց տալու։
