Մարդու իրավունքների խախտումերն Արցախի դեմ ռազմական գործողությունների ժամանակ անմիջական կապ ունեն COP29-ի հետ. «Ադրբեջանի ագրեսիայի ազդեցությունը շրջակա միջավայրի վրա» խորագրով համաժողովին այս մասին հայտարարեց «Իրավունքների պաշտպանություն առանց սահմանների» ՀԿ-ի իրավական հարցերով փորձագետ Աննա Մելիքյանը։
«Արցախի դեմ ռազմական գործողությունները և՛ 2020թ.-ին, և՛ դրանից հետո, մեծ ցուցիչ էին, որ Ադրբեջանը ոչ թե green washing է անում, այլ peace washing, ցույց տալու, որ իր կողմից էթնիկ զտման ենթարկված տարածքներն օգտագործելու է կանաչ էնեգիա ստանալու և բնությունը, շրջակա միջավայրը պաշտպանելու համար»,-նշեց բանախոսը։
Ըստ Աննա Մելիքյանի՝ իրավապաշտան կազմակերպությունները որոշել են օգնել տուժածներին՝ հասնելու արդարադատության։ 2020 թվականին և դրանից հետո այդ կազմակերպությունները փաստահավաք գործունեություն են ծավալել, խոսել են հարյուրավոր տուժած, տեղահանված անձանց հետ։
Փորձագետի խոսքով՝ նման ռազմական հանցագործություններ եղել են նաև 2016 թվականին, երբ դիտավորյալ սպանություններ են եղել, դիապղծության դեպքեր, երբ տեսախցիկի առջև գնդակահարել են գերիներին և այդ տեսանյութերը համացանցում տարածել։
«Նման դեպքեր նաև 2016 թվականին են արձանագրվել, այդ թվում՝ նաև գլխատումներ, և շարունակվել են 2020-ից հետո։ Դրա հիմնական պատճառն այն էր, որ պատժելիություն չկար։ Ցավով պետք է արձանագրենք, որ միջազգային հանրությունն ոչ պատշաճ արձագանքը դարձավ պատճառ, որ նման դեպքեր նաև 2022-ին, 2023-ին կրկնվեցին»,-ասաց նա։
