Հոկտեմբերի 22-ին Եվրախորհրդարանի լիագումար նիստում իր ելույթի ժամանակ Կիպրոսից Եվրախորհրդարանի անդամ Լուկաս Ֆուրլասը հայտարարել է, որ Ադրբեջանում, որը համարվում է հուսալի գործընկեր, ռեժիմի հակառակորդները ենթարկվում են խոշտանգումների։
՛՛Ռեժիմին քննադատող լրագրողները բանտում են, հայ ռազմագերիները ենթարկվում են ծաղրանքի և նվաստացման։
Լեռնային Ղարաբաղում տասնյակ հազարավոր հայեր վտարվեցին իրենց տներից, իսկ քրիստոնեական ամեն ինչ ոչնչացվեց՛՛,-ասել է նա:
Եվրապատգամավորը հավելել է, որ որ Ադրբեջանը նույնպես հանդես է գալիս Թուրքիայի կողմից բռնազավթված Եվրամիության անդամ երկիր Կիպրոսի հյուսիսային մասի անեքսիայի օգտին։
՛՛Սա խաթարում է Եվրամիության անդամ երկրի ինքնիշխանության և տարածքային ամբողջականության նորմերը։ Միջազգային հանրությունը չի կարող մի կողմ կանգնել այդ անօրինական գործողությունների հանդեպ։ Մենք Ադրբեջանի բնական գազը չպետք է վեր դասենք արժեքներից և մարդկային կյանքերից՛՛,-ասել է նա:
