Ադրբեջանական զինուժը շարունակում է հրետակոծել Արցախի բնակավայրերը։
Մարտունի քաղաքը ժամը 15։10-ի դրությամբ նույնպես հրետակոծվելիս է եղել։
Մարտունու հիվանդանոցի բժիշկ Հրայր Աղաբեկյանը հայտնել է, որ բազմաթիվ ծանր վիրավորներ կան թե՛ զինվորականների, թե՛ քաղաքացիական բնակչության շրջանում։ Նրանց տեղափոխել են Ստեփանակերտի հիվանդանոց։ Իսկ կանայք և երեխաներն ապաստարաններում են։
Արցախից լուրերն են ստացվում, թե ռուս խաղաղապահները հրաժարվում են տարհանել բնակիչներին։
Լուրերն են պտտվում նաև, որ Հայաստանը հրաժարվում է ընդունել 120 հազար արցախցիներին։
Ասել է, թե նպատակն ինտեգրման ծրագիրն իրականացնելն է՝ արցախցիներին պահել Արցախում՝ ադրբեջանական տիրապետության տակ։
Նշենք, որ Նիկոլ Փաշինյանն այսօրվա տեսաուղերձում ասել է. «Հիմա ամենակարևորն այն է, որ Լեռնային Ղարաբաղի ժողովրդի՝ իր տարածքում ապրելու իրավունքն ապահովված է Ռուսաստանի Դաշնության կողմից»։
Շրջանառվում է լուր, թե ադրբեջանցիները Ստեփանակերտի մատույցներում են, նրանք պահանջելու են Արցախի զինված ուժերում ծառայած բոլոր տղամարդկանց ցուցակները։
