Այս պահին ադրբեջանական կողմը շարունակում է կրակել Վերին Շորժայի և Նորաբակի ուղղությամբ։
«Փաստինֆո»-ի հետ զրույցի ժամանակ Գեղամասարի համայնքապետ Հակոբ Ավետյանն ասաց, որ հակառակորդը կիրառում է մեծ տրամաչափի զենքեր, այդ թվում գնդացիր։ Գործի են դրել նաև ծանր հրետանի։
Հակոբ Ավետյանի խոսքով կրակոցները հիմնականում հայկական դիրքերի ուղղությամբ են։
Հարցին, թե հայկական կողմը քանի վիրավոր ունի, Հակոբ Ավետյանն ասաց, որ վիրավորներ կան, բայց հստակ թիվ չի կարող ասել։
Ինչ վերաբերում է հարցին, թե կրակոցները դադարեցնելու հետ կապված ի՞նչ քայլեր են իրականացվում, Հակոբ Ավետյանն ասաց, որ հայկական կողմն էլ է նրանց համարժեք պատասխան տալիս։
«Հիմա դրանով թե՛ կրակոցները կդադարեն, թե՛ ավելի կուժեղանան, չեմ կարող ասել»,-նշեց Գեղամասարի համայնքապետը։
Աղբյուր` Փաստինֆո
