Սերգո Պայազատ. Կենսագրություն

Սերգո Պայազատ (1909, սեպտեմբեր 14, Ալեքսանդրապոլ – 1971, հուլիս 26, Երևան), հայ բանաստեղծ, արձակագիր, դրամատուրգ, թարգմանիչ, ԽՍՀՄ գրողների միության անդամ 1934 թվականից։ ԽՄԿԿ անդամ 1945 թվականից:

Կենսագրություն

Ծնվել է Ալեքսանդրապոլում (այժմ՝ Գյումրի)։ 1930 թվականին ավարտել է Թիֆլիսի հայկական մանկավարժական տեխնիկումը։ 1926 – 1931 թվականներին աշխատել է Թիֆլիսի «Պրոլետար» թերթում, 1931-1934 թվականներին՝ Լենինականի «Բանվոր» թերթում։ 1941-1946 թվականներին ծառայել է խորհրդային բանակում, մասնակցել Հայրենական մեծ պատերազմին։

1939 թվականին Լենինականի Մռավյանի անվան թատրոնը բեմադրել է նրա «Հարսանիք» պիեսը։ Հայկինոն 1940 թվականին նրա սցենարով նկարահանվել է «Մեր կոլխոզի մարդիկ» («Քարտեզում չնշված կետը») կինոնկարը։ Ռուսերեն առանձին գրքով լույս է տեսել նրա «Կաղնուտի սիրահարները» (Երևան, 1956)։ Մահացել է Երևանում[1]:

Սերգո Պայազատի երկերի մատենագրությունը

Երկու երգ գյուղերին, Թիֆլիս, 1926։
Հողաշեն, Թիֆլիս, 1929։
Մանր մարդիկ, Երևան, Պետհրատ, 1931։
Կաղնուտի սիրահարները, Երևան, Հայպետհրատ, 1948։
Ա. Պ. Չեխով, Երևան, Հայպետհրատ, 1960։

Ս.Պայազատի կատարած թարգմանությունները (ռուսերեն)

Տարախովսկայա, Նոր տուն, Երևան, Պետհրատ, 1931, 14 էջ։
Ինը հարյուր հինգ, Երևան, Պետհրատ, 1933, 12 էջ։
Բ. Պոկրովսկի, Հաղթանակ, Երևան, Պետհրատ, 1933, 14 էջ։
Ա. Պ. Չեխով, Շնիկով տիկինը, Երևան, Հայպետհրատ, 1946։
Գի դը Մոպասան, Ընտիր երկեր (գրքի մեջ մտնող «Շալի», «Ճանապարհին», «Կլոշետ», «Շրջմոլիկը» գործերը թարգմանել է Սերգո Պայազատը), Երևան, Հայպետհրատ, 1950, 692 էջ։
Սերգեյ Ռոզանով, Տրավկայի արկածները (թարգմանության հեղինակակից Պարույր Ջոթյան), Երևան, Հայպետհրատ, 1951, 162 էջ։
Լեհական նովելներ, Երևան, Հայպետհրատ, 1955, 308 էջ։
Ա. Պ. Չեխով, Շնիկով տիկինը, Երևան, Հայպետհրատ, 1964, 152 էջ։
Հենրիկ Իբսեն, Պիեսներ, Երևան, «Հայաստան», 1968, 354 էջ։
Ա. Պ. Չեխով, Ավագ այգեպանի զրույցը, Երևան, «Հայաստան», 1969, 187 էջ։