«Մոլագար նիկոլը սպանեց Աբգարիս, գողացավ նրա երազանքները». հերոսի հայր

«Այսօր կնոջս հետ գնացել եմ Ֆրանսիական համալսարան։ Գիտե՞ք ինչու։ Մեր որդու ատեստատն ենք վերցրել, այլ փաստաթղթեր։ Վերցրել ենք՝ որպես հիշատակ։ Աբգարս Ֆրանսիական էր ընդունվել ոչ նրա համար, որ մի տարի հետո ծնողները գնային եւ հիշատակի համար փաստաթղթեր վերցնեին։ Աբգարս ընդունվել էր, որ սովորի։ Մոլագար նիկոլը սպանեց Աբգարիս, գողացավ նրա երազանքները։ Մոլագար նիկոլը մեր երկիր պատերազմ, պարտություն, մահ, ողբերգություն ու աղետ բերեց։ Հիմա քանի՞ մարդ այսքանից հետո իր ձեռքով կքվեարկի մարդասպան նիկոլի օգտին։ Տարածեք այս հարցը։ Իսկ ես ասեմ՝ նիկոլին քվեարկածն ինձ համար թշնամի է, իմ պետության թշնամին կամ հոգեկան շեղում ունեցող մեկը։ Սթափվեք։ Ազգովի ծանր պատժի կարժանանանք, եթե սրան քվեարկողների թիվն անցնի հինգ տոկոսից»,- գրել է քաղաքագետ Գեղամ Նազարյանի, որի որդին՝ երկու ամսվա նորակոչիկ Աբգարը, զոհվեց հոկտեմբերի 29-ին։