Քայլ առ քայլ
Սկզբում փակում ես էներգետիկայի նախարարությունն ու անունը դնում ես, որ չես փակել՝ միավորել ես տարածքային կառավարման նախարարության հետ և հատուկ համակարգող տեղակալի պաշտոն ունես:
Հետո, նույն օրն աշխատանքից ազատում ես Հանրային ծառայությունները կարգավորող հանձնաժողովի նախագահին ու էներգետիկ ոլորտը համակարգող նախարարի տեղակալին:
Հետո մասնավորին ասում ես, որ եթե հանրային դաշտում բոլոր պրոբլեմները վերցնի իր վրա՝ պրոբլեմ չի ունենա ու շարունակում ես քանդել համակարգը:
Հետո նույն մասնավորին «նշանակում ես» քանդածիդ մեղավոր ու «ազգայնացման» անվան տակ խլում ես ու ընդհանուր մորթված համակարգը հեշտ ուղորդում քեզ ցանկալի ուղղությամբ:
Փուլ առ փուլ արվել է, ու հիմա էլ քաղաքականության անվան տակ փաթեթավորվում է պլանը:
Գտեք մի քանի էներգետիկի ու հարցրեք. էներգետիկ սուվերենության հարցում ՀԷՑ-ը քանի՞ տոկոս մասնաբաժին ունի:
Ամեն ինչ լսել էինք, կախյալ ինքնիշխան չէինք լսել:
Լրիվ սերիալի վերնագիր է՝ դժբախտ երջանկություն, ազգային ապազգային ուժ, ինքնիշխան կախյալները. ցանկը կարող եք շարունակել:
Հ.Գ.
Մոռացա ասեմ, ՀԷՑ-ը արհմիություն չունի՞, թե ՀԷՑ արհմիությունն էլ չգիտի, որ իր գործն աշխատողների իրավունքների պաշտպանությունն է, ու ոչ թե պսակի փող տալն ու մարտի 8-ին ծաղիկ առնելը: Իսկ այդ նույն աշխատողների իրավունքները ենթադրում են, որ ոչ մեկ չի կարող ըստ ցանկության նրանց ազատել աշխատանքից:
«Իրազեկ և պաշտպաված սպառող» ՀԿ նախագահ Բաբկեն Պիպոյան
