Պարզվում է Հայաստանի ընձառյուծները կուսակրոնությունից զրկվել են ու դեռ մի բան էլ բազմանում են. Փաշինյանի՝ Ալթայում անցկացված բնապահպանական համաժողովի ելույթին է անդրադարձել բնապահպան լրագրող Նարինե Կիրակոսյանը՝ ուշադրության տակ առնելով երկրի ղեկավարի հնչեցրած հետևյալ սխալները.
Փաշինյանն իր տգիտությամբ Ալթայում անցկացվող բնապահպանական համաժողովին փայլատակել է՝ ասելով, թե Հայաստանում բազմանում են ընձառյուծները։ Հայաստանում կան, բայց չեն բազմանում ընձառյուծները։ Բացի դա, այն կազմակերպությունը, որի մասին նշել է Փաշինյանը, Ռուսաստանում արգելված է։
Եվ այսպես, Փաշինյանի տեքստում ասվում է․ «Կարևորելով կենսաբազմազանության պահպանումը՝ Հայաստանն իրականացնում է վայրի կենդանիների պոպուլյացիաների վերականգնման ծրագրեր: 2002 թվականից ի վեր Բնության համաշխարհային հիմնադրամի հետ համատեղ իրականացվող կովկասյան ընձառյուծի պոպուլյացիայի վերականգնման ծրագիրը տալիս է զգալի արդյունքներ: Արդեն իսկ արձանագրվել է այս կենդանատեսակի մշտական բնակությունը և ձագերի բազմացումը Հայաստանում»:
Այս մարդը ինչպես Դուբայն էր անվանում Էմիրաթյունների մայրաքաղաք, այնպես էլ ընձառյուծին նապաստակ է պատկերացնում ու կրկնում ինչ-որ մեկի կողմից սխալ գրված տեքստը։
Էգ ընձառյուծներ Հայաստանի տարածքում չեն նկատվել, իսկ ըստ վերջին ուսումնասիրությունների, որոնք լիարժեք չեն պատերազմից հետո, ՀՀ -ի տարածքում 5-10 առանձնյակ կարող են լինել։ Այն էլ որձ։
