Արմեն Գրիգորյանին կալանավորելու ոչ մի հինք չկար, գործ էիք հարուցել, քննեիք: Արմեն Գրիգորյանի առողջական վիճակի մասին մշտապես բարձրացրել է նրա պաշտպան Ռուբեն Մելիքյանը, բայց դատավորներ՝ կոնկրետ անուն ազգանուններով, քննիչ ու դատախազներ՝ կոնկրետ անուն ազգանուններով, անտեսել են, որովհետև կալանքի ֆետիշ պետք է ապահովեն: Արմեն Գրիգորյանին այսքան օր չէինք կարողացել նույնիսկ տեսակցել ՔԿՀ-ում, որովհետև քննիչը գտել էր, որ պետք է արգելի: Պատկերացրի՞ք՝ այսքան ամիս արգելել են. ֆեյսբուքյան էջում գրել է իրավաբան, «Հայաստան» խմբակցության պատգամավոր Արամ Վարդևանյանը։
Նա շարունակել է.
Դատարանում մարդու մահ: Սա խելագարվելու դեպք է: Այդքան ասում ենք՝ կալանքը մի ֆետիշացրեք..: Բառեր չեմ գտնում: Չեմ պատկերացնում պատվեր իջացնողն ու կատարողների խմբակը այսքան ապօրինությունների, իրավունքը ոչնչացնելու պայմաններում ո՞նց են իրենց խղճի հետ մնում..
